გადაწყვიტეთ რემონტის დაწყება? გსურთ, რომ ეს რთული გზა მარტივად, ექსცესების გარეშე გაიაროთ და დაზოგოთ ნერვები, ენერგია, დრო და ფინანსები? მაშინ, არ უნდა დაუშვათ შემდეგი შეცდომები:
შეცდომა N 1
რემონტის დაწყებამდე, პირველ რიგში, ალბათ გადახედავთ და მოიძიებთ ფინანსებს და შემდეგ, რა თქმა უნდა, ეცდებით ისეთი გზები მონახოთ, რომ ეს რემონტი რაც შეიძლება ბიუჯეტური გამოვიდეს. ხშირად, უნებლიედ, მხოლოდ არაკომპეტენტურობის მიზეზით და ინტერნეტ სივრცეში მოძიებული საეჭვო რეპუტაციის რჩევებზე დაყრდნობით იწყებთ საკუთარი ძალებით ნელ - ნელა გარემონტებას, იმ იმედით, რომ უფრო „იაფად გამოხვალთ“. სწორედ ესაა ნომერი პირველი შეცდომა, გზადაგზა მოძიებული თანხებით დაწყებული რემონტის დროში გაწელვამ შეიძლება გამოიწვიოს მასალის გაძვირება, რაც ცუდად აისახება თქვენ მიერ წინასწარ გათვლილ ბიუჯეტზე.
შეცდომა N 2
მიახლოებითი თანხის დასადგენად რეკავთ უამრავ ხელოსანთან ან კომპანიებში, რომ გაიგოთ ფასები და შეჯერდეთ შედარებით იაფ ვარიანტზე. საუბრობთ უამრავ არაპროფესიონალთან, რომლებიც არასწორ ინფორმაციას გაწვდიან, ხშირდ იმ მარტივი მიზეზის გამო, რომ უბრალოდ დათვლა და ხარჯთაღრიცხვის წარმოება არ იციან, ამიტომ ან ძალიან გაბერილ ფასებს გეუბნებიან, ან პირიქით, საეჭვოდ მცირეს. თვითღირებულებაზე დაბალ ფასად შემოთავაზებული შრომა კი, ბოლოს რომ უფრო ძვირი ჯდება, ეს ყველას კარგად მოგვეხსენება. თქვენ შედიხართ ინფორმაციულ ჩიხში და ისტრესებით. აღარ იცით, უბრალოდ, ვის ენდოთ. ესაა მეორე შეცდომა; რადგან მხოლოდ ფასის მიხედვით შერჩეული სარემონტო ჯგუფი ან კერძო ხელოსანი არასწორი არჩევანია. ამიტომ არასდროს ენდოთ საეჭვო რეპუტაციის მქონე „თავიდან იაფიან“ კომპანიებს. ქართულ ბაზარზე უკვე არსებობენ სოლიდური სარემონტო კომპანიები, რომლებიც დიდი შეკვეთის მიცემის შემთხვევაში თავად გიკეთებენ ხელსაყრელ ფასდაკლებებს.
შეცდომა N 3
არ დაიქირაოთ ისეთი ხელოსანი, რომელსაც არ ჰყავს რეკომენდატორები, არც ისეთი, ვინც გპირდებათ რომ იაფად, რაღაც ბუნდოვანი გზებით გაშოვნინებთ მასალას, რომლის ფულიც წინასწარ უნდა გადაუხადოთ. რადგან ასეთი ხელოსნები თანხის მიღებისთანავე „ქრებიან“ ან თუ იმუშავეს, მათი შესრულებული სამუშაო ხშირად ახლიდან გასაკეთებელი, ან უკეთეს შემთხვევაში გამოსასწორებელი ხდება. მაშ, როგორ მოვიქცეთ, რომ მსგავსი უსიამოვნება თავიდან ავიცილოთ?
ევროპულ სტანდარტებზე ორიენტირებული სარემონტო კომპანიები
ნუ ინერვიულებთ, აღარ არის ის დრო, როცა ბრმად ენდობოდით და იღებდით უხარისხო მომსახურებას. უბრალოდ, უნდა აარჩიოთ სანდო სარემონტო კომპანია, რომელიც ევროპულ სტანდარტებზეა ორიენტირებული. ევროპული ხარისხი კი ნიშნავს იმას, რომ ეს კომპანია ყველაფერს თქვენს მაგივრად გააკეთებს, თქვენ კი მხოლოდ ის გევალებათ, რომ დეტალურად მიაწოდოთ ინფორმაცია, თუ რა ტიპის მომსახურება გსურთ და მიაწოდოთ მონაცემები, რომელსც ისინი თავად გამოგკითხავენ.
როგორ უნდა მივხვდეთ სანდოა თუ არა კომპანია? პირველ რიგში მოითხოვეთ ხელშეკრულება და გაეცანით გარანტიის პირობებს. დაწვრილებით გამოიკითხეთ და დააზუსტეთ ყველა დეტალი. ეს თქვენი უფლებაა და არაფერია ამაში საუხერხულო. სანდოა კომპანია, რომელსაც მკაფიოდ და გასაგებად აქვს გაწერილი ხელშეკრულება, სადაც გარკვევით წერია, რომ პასუხისმგებლობას იღებს შესრულებულ სამუშაოზე და იმ სამშენებლო მასალის ხარისხზე, რომელსაც გთავაზობთ, აგრეთვე პასუხს აგებს ვადებზე, რომელიც მითითებულია ხელშეკრულებაში. ასეთ შემთხვევაში ისღა დაგრჩენიათ, რომ მშვიდად მოაწეროთ ხელი ხელშეკრულებას და დაელოდოთ შესრულებული სამუშაოს ჩაბარებას.