აბაზანის რემონტის 4 ძირითადი შეცდომა

აბაზანის რემონტი სპეციფიკური ტიპის სამუშაოებს განეკუთვნება და სპეციალურ ცოდნასა და გამოცდილებას მოითხოვს. აბაზანის რემონტის დროს დაშვებული შეცდომები არც ისე ადვილი გამოსასწორებელია, ამიტომ სამუშაო პროცესი უნდა წარმართოს გამოცდილი ხელოსნების ჯგუფმა ან სარემონტო კომპანიამ, რომელსაც აქვს ამ სფეროში მუშაობის დიდი გამოცდილება. სწორი გათვლებით და რიგი შცდომების თავიდანვე გათვალისწინებით შესაძლებელია შემდგომი გართულებების თავიდან არიდება. 

 
შეცდომა N1 - არასწორად შერჩეული ჭერი

შხაპის მიღებისას (ან ყოველ ჯერზე, როცა ცხელ წყალს ხმარობთ აბაზანაში), ცხელი ორთქლი მიიწევს მაღლა და კონდენსატის სახით ილექება ჭერზე. ამის გამო სააბაზანო ოთახი ყველაზე მაღალტენიანი ადგილია საცხოვრებელ სივრცეში. სააბაზანოს ჭერისთვის სარემონტო მასალების შერჩევისას აუცილებლად გაითვალისწინეთ ეს ფაქტი, რადგან სტანდარტული თაბაშირმუყაოს პანელი,  დაუმუშავებელი ხე და საერთოდ ყველა ის მასალა, რომელიც არ არის დამუშავებული ტენიანობის მიმართ მდგრადი ტექნოლოგიებით, არ გამოგადგებათ სააბაზანოს ჭერისთვის, რადგან, მათი ექსპლოატაციის ვადა ამგვარ პირობებში მცირდება. გამოსავალი ასეთ სიტუაციაში შემდეგი ნესტგამძლე ვარიანტებია:

მოჭიმული ჭერი

იგივე „ფრანგული ჭერი“ ორი სახისა: პრიალა და გლუვი. პირველი არეკვლის ხარჯზე ვიზუალურად ზრდის ოთახის მოცულობას, მეორე კი ოთახში ქმნის სიმყუდროვის ილუზიას; მისგან შესაძლებელია იდეალური ზედაპირის მიღება; არ იკეთებს კონდესატს, არ უჩნდება სოკო, შეუძლია წყლის შეკავება, თუმცა აქვს მაღალი ფასი და ადვილად ზიანდება მისი თხელი საფარის გამო, მაგრამ მისგან მიღებული კომფორტი ფასზე მაღალია.

არმსტრონგის ჭერი

ის ნესტგამძლეა, გამოირჩევა მონტაჟის სიმარტივით და აქვს ხელმისაწვდომი ფასი. ძირითადად გამოიყენება, ოფისებისთვის, კომერციული ფართებისთვის, სადარბაზოებისთვის, სკოლებისა და ბაღებისთვის.

თაბაშირ-მუყაოს შეკიდული ჭერი

არ საჭიროებს წინამოსამზადებელ სამუშაოებს, თუმცა დამონტაჟების შემდგომ უნდა დამუშავდეს და შეიღებოს; მისგან შესაძლებელია მრავალდონიაინი კონსტრუქციების შექმნა; ვიზუალურად დახვეწილია და აქვს ხანგრძლივი ექსპლოატაციის ვადა, თუმცა ამავდროულად საგრძნობლად ამცირებს ჭერის სიმაღლეს.

შეკიდული ჭერი

ეს არის შეკიდული ტიპის კონსტრუქცია. ის შეიძლება იყოს პლასტმასის, ალუმინის, მინის და სხვ.. ადვილად მონტაჟდება, მოსავლელად მარტივია, აქვს ფერების დიდი არჩევანი და ხელმისაწვდომი ფასი.

შეცდომა N2 - არასწორად შერჩეული აბაზანის კარები

როგორც ზემოთ აღვნიშნეთ, სააბაზანო არის მაღალი ტენიანობის მქონე ოთახი და შესაბამისად, აუცილებელობა მოითხოვს როგორც ბუნებრივ ვენტილაციას, ასევე მექანიკური სისტემების დახმარებას. ჰაერის მოძრაობა აუცილებელია ტენიანობის შესამცირებლად. ტენიანი კედლები თუ კარგად არ გამოშრა, თავს იჩენს ისეთი პრობლემები როგორიცაა ობი, სოკო,  ნესტიანი კუთხეები და სხვა... ეს ყველაფერი ანადგურებს ახალ რემონტს და რაც ყველაზე არასასიამოვნოა, უარყოფითად მოქმედებს ჯანმრთელობაზე! ამიტომ რემონტის დასაწყისშივე უნდა აღმოიფხვრას გამომწვევი მიზეზები. ერთ-ერთი ასეთი მიზეზი ჰერმეტული კარებია, რომელიც სამზარეულოს შემთხვევაში იდეალურია, მაგრამ სააბაზანოსთვის წარმოადგენს კატასტროფას,  მაშინაც კი, როცა აბაზანაში გამართული სავენტილაციო სისტემაა და მაშინაც, როცა აბაზანაში არის ფანჯარა (ბუნებრივი ვენტილაცია). მაგრამ თუ მოხდა ისე, რომ უკვე გაქვთ ასეთი კარები, მაშინ შეეცადეთ ღია მდგომარეობაში დატოვოთ ყოველი  შხაპის მიღების შემდეგ, რათა მოხდეს ჰაერის ცირკულაცია. აგრეთვე აპრობირებული და გამართლებულია სავენტილაციო გისოსები, რომელიც მონტაჟდება ჰერმეტულ კარებზე. მთავარია შეურჩიოთ შესაბამისი მდებარეობა, ფორმა და მასალა, რომ არ გაფუჭდეს კარის დიზაინი.

შეცდომა N3 - ელ. გაყვანილობა და არასწორი გათვლები

ოსტატების უმეტესობა თვლის, რომ როზეტების და ელექტრონული ამომრთველების დაყენება არ არის მიზანშეწონილი აბაზანის ტერიტორიაზე, მაგრამ აუცილებლობიდან გამომდინარე ამის გაკეთება ხანდახან მაინც უწევთ. ასეთ შემთხვევაში, როცა ელ. წერტილების დაყენება გარდაუვალია, ეცადეთ აირიდოთ შემდეგი შეცდომები:
1. სადენების არასწორი არჩევანი და დაანგარიშება;
2. ისეთი იაფიანი როზეტებისა და ჯეკების შერჩევა, რომელიც არ არის გათვლილი ტენიანობაზე;
3. სეგმენტების ხაზი რამდენიმე ბრუნვით;
4. სადენების მონტაჟი კედლებზე, ჭერსა და ტიხრებზე სპეციალური დაცვის გარეშე;
5. სადენების ეკონომიის მიზნით კუთხიდან პირდაპირი ინსტალაცია როზეტამდე ან ამომრთველამდე;
6. გაყვანილობა, სადაც სპილენძის სადენი დაერთებულია ალუმინის სადენზე;
7. ხელსაბანთან ან საშხაპესთან ახლოს დაამონტაჟებული როზეტები (რისკია, რომ მასზე მოხვდება წყლის წვეთები);
8. არაშესაბამისი კაბელი, რომელსაც არ გააჩნია სათანადო იზოლაცია.

* რჩევა: აბაზანაში გამოიყენეთ ისეთი ელექტრომოწყობილობები, რომელიც აკმაყოფილებს ტენიანობის დაცვის შესაბამის დონეს ( IP44 და ზემოთ); ელ. წერტილებთან რეკომენდებულია ასევე სპეციალური დამცავი ფარდების გამოყენება.

შეცდომა N4 - უხარისხო მილები და არასწორი დაერთება

მილების ცუდი ხარისხი ერთ-ერთი მიზეზია იმ შეცდომებისა, რომელიც ხდება წყლის მილების გაყვანისა და შეერთების პროცესის დროს.  ეს არის ყველაზე გაუმართლებელი ეკონომია, რადგან რამდენიმე ლარის დაზოგვა საბოლოოდ უფრო მეტ ზარალს იწვევს ვიდრე ეკონომიას. პროფესიონალი სანტექნიკოსების მიერ ერთხმად რეკომენდებულია მკაცრად განსაზღვრული სისტემის შესაბამისი (ცივი და ცხელი წყლისთვის) საუკეთესო ხარისხის მილების შეძენა.
გათბობის შემთხვევაში ყურადღება უნდა მიექცეს ხაზის გაფართოებას და მილის ზომების სავალდებულო ზრდას (მილებისთვის 10-12 მმ სიგანემდე და 15-20 მმ სიგრძემდე). ეს დეტალები გათვალისწინებული უნდა იყოს კედლების ჭრისას, როგორც მილის გაყვანის ხაზის გასწვრივ, ასევე ოვალზე, სადაც დამონტაჟებულია კუთხის შეერთების წერტილები. ამით აიცილებთ ისეთ სერიოზულ პრობლემას, როგორიცაა მილის გაჟონვა კედლის შიგნით, რაც ნიშნავს, რომ არ დაიტბორება არც თქვენი აბაზანა და არც ქვედა და გვერდითი მეზობლები. გაითვალისწინეთ, გაჟონვის თავიდან ასაცილებლად აუცილებელია როგორც მაღალი ხარისხის მილები, აგრეთვე კვალიფიციურად  ჩატარებული შემდეგი სამუშაოები: შედუღება, რჩილვა (пайка), ხრახნით შეერთება და ა. შ...
დღესდღეობით სულ უფრო ხშირად გამოიყენება პოლიპროპილენის მილები, რომლებიც გამოირჩევა მაღალი ხარისხით და გამძლეობით. მათ ეტაპობრივად ჩაანაცვლეს მეტალოპლასტმასის მილები, რომლებმაც თავის დროზე ჩაანაცვლეს ფოლადის მილები. არსებობს კიდევ ერთი, ყველაზე საიმედო ვარიანტი - სპილენძის მილები, თუმცა ის საკმაოდ ძვირ სიამოვნებად ითვლება.

                                                                                   კომპანია "მეტრიქსი" გისურვებთ წარმატებას!