როგორ შევარჩიოთ სარემონტო კომპანია

გზამკვლევი: როგორ შევარჩიოთ სარემონტო კომპანია

რემონტის დაწყებამდე, აუცილებელი პირობაა კარგად აცნობიერებდეთ, თუ რა კრიტერიუმებს უნდა აკმაყოფილებდეს სარემონტო კომპანია, რომელსაც ანდობთ თქვენთვის სასურველი პროექტის განხორციელებას. არსებობს რამდენიმე მნიშვნელოვანი ფაქტორი, რომლის გათვალისწინების შემთხვევაშიც, თქვენ თავიდან აიცილებთ რემონტთან დაკავშირებულ უსიამოვნო შემთხვევებს.

მაშ ასე, რა უნდა გაითვალისწინოთ სარემონტო კომპანიის შერჩევისას:

1. განსაზღვრეთ თქვენი მოთხოვნები და საჭიროებები:

სანამ კომპანიის ძიებას დაიწყებთ, განსაზღვრეთ თქვენი სარემონტო პროექტის მასშტაბი -   სრული რემონტი გჭირდებათ თუ მცირე განახლებები? გაქვთ თუ არა მხედველობაში კონკრეტული დიზაინის პრეფერენციები ან არქიტექტურული სტილი? პირველ რიგში, თქვენი მოთხოვნების თავადვე აღქმა დაგეხმარებათ შეამციროთ ძიების არეალი და იპოვოთ სარემონტო კომპანია, რომელიც სპეციალიზებული თქვენს საჭიროებებზე და პრიორიტეტებზე

გამოჰკითხეთ მეგობრებს, ოჯახის წევრებს ან კოლეგებს გამოცდილება და რეკომენდაციები.

გარდა ამისა, გაეცანით ონლაინ მიმოხილვის პლატფორმებს და სოციალურ ქსელებს, რათა გაეცნოთ ბაზარზე მიმდინარე ტენდენციებს და ზედაპირულად მაინც, შეადგინოთ პოტენციური კანდიდატების სია. ყურადღება მიაქციეთ მიმოხილვებს, რეიტინგებს და შეფასებებს, რომ გაგიმარტივდეთ და ადეკვატურად შეაფასოთ თითოეული კომპანიის რეპუტაცია და სანდოობა.

2. გაეცანით სარემონტო ხელშეკრულებას და პირობებს

სამშენებლო/სარემონტო კომპანიები ძირითადად იყენებენ სტანდარტული ხელშეკრულების ფორმას, რომელიც მეტწილად მორგებულია კომპანიის ინტერესებზე და ნაკლებად ითვალისწინებს დამკვეთის საჭიროებებს. თუმცა, ხელშეკრულება დამკვეთისთვის უაღრესად მნიშვნელოვანი დოკუმენტია.

თუ რემონტისთვის კომპანიის დაქირავებას აპირებთ, მაგრამ არ იცით როგორ შეარჩიოთ სანდო, პასუხისმგებლობიანი და ეფექტური კომპანია, ნუ იდარდებთ, ამის შესახებ თითქმის ყველა დეტალის აღქმა ხელშეკრულების პირობებში შეგიძლიათ.

თანამედროვე კომპანიებში, მენეჯმენტის მთავარი ამოცანაა, კომპანიამ დამკვეთისთვის შექმნას მაქსიმალური კომფორტი და სარგებელი. ამასთანავე, აუცილებელია ცდილობდეს, რომ რაც შეიძლება მეტი პასუხისმგებლობა დააკისროს საკუთარ თავს და ბაზარს მაღალი სტანდარტის მომსახურება შესთავაზოს.

ასეთი კომპანიები საკუთარ მიდგომებს სწორედ ხელშეკრულებებში ასახავენ და მხოლოდ სიტყვებით არ შემოიფარგლებიან. ამ მიდგომით, ერთი მხრივ, კომპანიები დამკვეთს უქმნიან სანდოობის და გარანტიის შეგრძნებას, მეორე მხრივ კი, თავიდანვე საზღვრავენ პასუხისმგებლობის ფარგლებს.

3. ყურადღებით წაიკითხეთ ხელშეკრულების დეტალები

​​​​​​​

დეტალურად გადაიკითხეთ ხელშეკრულება და გაამახვილეთ ყურადღება შემდეგ საკითხებზე:

1. გათვალისწინებულია თუ არა რემონტის დაწყება დასრულების ვადები,
2. ვადაგადაცილების შემთხვევაში, ეკისრება თუ არა კომპანიას ფინანსური ჯარიმა დამკვეთის სასარგებლოდ,
3. არის თუ არა ხელშეკრულებაში შესრულების ხარისხზე პასუხისმგებლობა დეტალურად გაწერილი
4. სამუშაოს არაჯეროვნად შესრულების შემთხვევაში, რა კონკრეტულ პასუხისმგებლობას იღებს კომპანია

ხელშეკრულებაში ჩამოთვლილი პუნქტები ნათლად და კონკრეტულად უნდა იყოს გაწერილი. გირჩევთ, მაქსიმალური ყურადღებით გაეცნოთ დეტალებს და ნებისმიერი კითხვის ან ბუნდოვანების შემთხვევაში, ხელშეკრულების დადებამდე მიმართოთ კომპანიას.

თქვენსა და saremonto kompanias შორის შეთანხმების ოფიციალური პირობების დეტალურად გაცნობა უმნიშვნელოვანესია სარემონტო სივრცეში მაღალი ხარისხის შედეგის მისაღებად. თუ ამ საკითხს უყურადღებოდ დატოვებთ, შესაძლოა ბოლოს აღმოაჩინოთ, რომ ერთმა ასომ მთლიანი ხელშეკრულების შინაარსი შეცვალა, თქვენ კი ხელშეკრულება თქვენ სასარგებლოდ დაწერილი მოგეჩვენათ; ასეთ შემთხვევაში დამკვეთი ყოველთვის ზარალდება.

გაითვალისწინეთ, რომ იდეალურია ხელშეკრულება, რომელიც თანაბარ პირობებში აყენებს დამკვეთს და შემსრულებელს, სწორედ ამ ტიპის სახელშეკრულებო პირობებს შემოგთავაზებთ კეთილსინდისიერი და მაღალი კულტურის მქონე კომპანია.

4. დაადგინეთ რემონტის დაწყება - დასრულების ვადები

სარემონტო სამუშაოების დაწყება-დასრულებასთან დაკავშირებით ყოველთვის ბევრი კითხვაა.  ძირითადად, დღევანდელი მომსახურების სტანდარტების გავითვალისწინებთ100 კვ/მ თეთრი კარკასის სრული რემონტის საშუალო ვადა 45 დღეა. თუმცა, შეგვიძლია თამამად გითხრათ, რომ კომპანია "მეტრიქსში" აღნიშნული დრო მინიმუმამდე გვაქვს დაყვანილი და გთავაზობთ ახალ სტანდარტს  - 100 კვ/მ თეთრი კარკასის სრული რემონტი, ხელშეკრულების დადებიდან 25 დღეში. ფიქრობთ, რომ ეს შეუძლებელია, ხომ? თუმცა,  სრული რეალობაა.

25 დღეში რემონტის დასრულების გარანტია

მეტრიქსის მიერ შემოთავაზებულ ხელშეკრულებაში ნათლად წერია, რომ ყოველ ვადაგადაცილებულ დღეს თქვენ უკან დაგიბრუნდებათ მთლიანი თანხის 0,5 პროცენტი.
რიცხობრივად რომ შევხედოთ, 10 000 ლარზე 500 ლარი 1 დღეში.
Ისეთი სარემონტო კომპანიისგან, რომელიც მსგავს მიდგომას გაურბის, საეჭვოა დადებითი შედეგის მოლოდინი გქონდეთ. ალბათ, სჯობს ისევ კერძო ხელოსანი დაიქირაოთ. ორგანიზაციას ხომ თავად იმის გამო უხდით მეტ თანხას, რომ კერძო ხელოსანზე უკეთ მოგემსახუროთ?

ჩვენ კარგად გვესმის, რომ დრო ძალიან ძვირფასი რესურსია. ასევე, ზუსტად ვიცით, როგორი საპასუხისმგებლო, შრომატევადი და დამღლელი საქმიანობაა სარემონტო სამუშაოები. სწორად შერჩეულ სარემონტო კომპანიასთან თანამშრომლობისას, თავიდან აიცილებთ დროისა და ფინანსების ფლანგვას და იმედგაცრუებას. 

5. არ შეგიყვანოთ შეცდომაში რენდერებმა

რენდერი გრაფიკული დიზაინის ნიმუშია, რომელიც იქმნება სხვადასხვა კომპიუტერული პროგრამებით და ბევრად უფრო ეფექტურად გამოიყურება, ვიდრე რეალურად გადაღებული ნამუშევრის ფოტო. მთავარი კი ის არის, რომ რენდერში ასახული ინტერიერი შესაძლოა რეალობად არც არასდროს იქცეს. სარემონტო კომპანიები, რომლებიც მუდმივად ვითარდებიან და ჩართულნი არიან რეალურ პროცესებში, საიტზე რეალური ნამუშევრის ფოტოებს დებენ და სწორედ ამ ფაქტორით, ადვილად შეგიძლიათ განსაზღვროთ, რამდენად პროფესიონალ კომპანიასთან გაქვთ საქმე.

თქვენი სახლის ან სამუშაო სივრცის რემონტისთვის სწორი სარემონტო კომპანიის შერჩევა გადამწყვეტი ნაბიჯია სასურველი შედეგების მისაღწევად. თქვენი მოთხოვნების განსაზღვრით, საფუძვლიანი კვლევით და დეტალების გაცნობიერებით, შეგიძლიათ მიიღოთ ინფორმირებული და რაციონალური გადაწყვეტილება, რომელიც განაპირობებს წარმატებულ სარემონტო პროექტს. დაიმახსოვრეთ, რომ პრიორიტეტი მიანიჭოთ კომუნიკაციას, გამჭვირვალობას და საიმედოობას მთელი პროცესის განმავლობაში, რაც უზრუნველყოფს სტრესისგან თავისუფალ და პოზიტიურ გამოცდილებას.