აბაზანის რემონტი და დაშვებული შეცდომები

რემონტს გეგმავთ სააბაზანოში?

ვიდრე აბაზანის რემონტს  დაიწყებთ ერთ წამს შეჩერდით, დაფიქრდით და დაწარმოიდგინეთ თქვენი იდეალური აბაზანა, პირველი, რაც აზრად მოგივათ, განტვირთვა და ახალი ენერგიაა, რომელსაც აბაზანის მიღების შემდეგ განვიცდით.

თუმცა ერთია ჩვენი ფანტაზია და მეორე, რემონტის დასრულების შემდგომ მიღებული რეალობა, რომელსაც ხშირ შემთხვევაში ნერვების უკიდურეს გაფუჭებამდე მივყავართ.

რა გვიშლის ხელს მივიღოთ იდეალური აბაზანა?

 ადამიანები ვცდილობთ ოჯახის ბიუჯეტს მოვუფრთხილდეთ და თანხა მაქსიმალურად დავზოგოთ, რაც ნამდვილად მისასალმებელია, თუმცა თანხის დაზოგვა მართებული როდია თუ ასეთ დანაზოგს მაღალი რისკები ახლავს თან.

თავად გააკეთეთ დასკვნა, უნდა დაზოგოთ თუ არა ფინანსები აბაზანის რემონტის შემთხვევაში, მაშინ როცა აღნიშნული თანხა მაქსიმუმ 330 ლარს შეადგენს.

მაგალითისთვის ავიღოთ 50 კვ,მ ბინა, რომლის სააბაზანოც 5 კვ,მ შეადგენს. ამ შემთხვევაში თქვენი ხარჯი უხეში დათვლით ასე გამოიყურება:

1. 33 კვ,მ კაფელ - მეტლახი, ნორმალური ხარისხი მინიმუმ 50 ლ, ჯამში გადასახდელი თანხა=1650ლ

2. წებოცემენტი 9 შეფუთვა, ერთი შეფუთვის ფასი 15ლ, ჯამში თანხა=135ლ

3. ფუგა გიფსი შოვების დასაფარად 1 შეფუთვა, შეფუთვის ფასი 15ლ, ჯამში თანხა=15ლ

4. კაფელ- მეტლახის მომჭიმები 2 შეფუთვა, ფასი 25ლ, ჯამში თანხა=50ლ

5.ფრანგული გასაჭიმი ჭერი 1კვ ხელობა მასალით 45ლ, ჯამში თანხა =225ლ 

6. აბაზანის აქსესუარები მინიმუმ 600 ლარი, თუ მაღალ ხარისხს შეიძენთ 1500-2000ლ, ჩვენ ავიღოთ საშუალოთ 800ლ

7. ხელობა, (რომელმაც შესაძლოა მთელი გეგმები წყალში ჩაგიყაროთ) კვ,მ 20ლ, ჯამში თანხა 660ლ

 თქვენი მთლიანი დანახარჯი უხეში დათვლით აბაზანის რემონტის დასასრულებლად 1650+135+15+50+225+800+660=3535ლ

ხელოსანი მეგობრის რეკომენდაციით:

თქვენი მთლიანი ხარჯი კაფელ - მეტლახზე, წებოცემენტზე, ხელობაზე და სხვა დამხმარე საშუალებებზე შეადგენს 3535 ლარს, ხარჯავთ მოცემულ თანხას, აკეთებთ 330 ლარის დანაზოგს და არანაირი გარანტია არ გაქვთ, რომ დათქმულ დროზე დასრულდება თქვენი აბაზანის რემონტი, ასევე არ გაქვთ გარანტია შესრულების სათანადო ხარისხზე და ეყრდნობით მხოლოდ მეგობრის, მეზობლის ან თუნდაც ნათესავის რეკომენდაციას, რომ ესა თუ ის ხელოსანი კარგი ხელოსანია, ამაში ცუდი ,თავისთავად, არაფერია, როცა ადამიანი ცდილობს დახმარებას თქვენ საკეთილდღეოდ, მაგრამ პრობლემა იმაშია, რომ ასეთი ადამიანების უმრავლესობას საერთოდ არ აქვს წარმოდგენა სამშენებლო სარემონტო ნორმების დაცვაზე და მისგან გამომდინარე რემონტის ხარისხზე.

რა პრობლემებს უნდა ელოდოთ?

თქვენ შეიძინეთ მასალა, მოიყვანეთ როგორც იქნა, ხანგრძლივი დევნის შემდეგ, ხელოსანი და დაიწყო რემონტის პროცესი,  შემდეგ, როგორც წესი, ხელოსანს ხან მამა ყავს ცუდად, ხან მეუღლე ყავს ექიმთან წასაყვანი, ხან ბავშვს აქვს დაბადების დღე და ასე უსასრულოდ შეიძლება გაგრძელდეს, თუმცა, უკეთეს შემთხვევაში, მაინც დაასრულა თავისი საქმე, გამოგართვათ თანხა (თუ წინასწარ გამორთმეული არ ჰქონდა) და გაიხურა კარი.

თქვენ მოგწონთ თქვენი აბაზანა, თან არ მოგწონთ, რაღაც ისე მაინც ვერ გამოვიდა როგორც წარმოგედგინათ, თუმცა არც ცუდი არაა. ალბათ ამაზე უკეთესი არც გამოვიდოდაო, ფიქრობთ, მაგრამ რაღას იზამთ? რამდენიმე დღიანი დეპრესიის შემდეგ, ალბათ შეეგუებით თვალში ცუდად მოხვედრილ პროპორციულ თავსებადობებს, სხვა ვიზუალურ დეფექტებს. ხვდებით, რომ ვერაფერს შეცვლით და იძულებული ხართ შეეგუოთ ფაქტს.

 თუ თქვენი უკმაყოფილება ამით დასრულდა, ეს კიდევ შეიძლება ჩათვალოთ წარმატებული აბაზანის რემონტის დასასრულად, მაგრამ თუ ვიზუალურ დეფექტებს დაემატა ის ხარვეზები, რაც თვალისთვის უხილავია და ამის ალბათობა ძალიან დიდია, ეს შეიძლება თქვენი უკმაყოფილების დასასრული კი არა დასაწყისი აღმოჩნდეს.

რას ტოვებს ხელოსნების უმეტესობა თვალსმიღმა?

იმ შემთხვევაში თუ აბაზანაში ხელოსანმა კედლებსა და კაფელ - მეტლახს შორის დატოვა თუნდაც მცირე ცარიელი ადგილები, რომელსაც არ დაატანა საჭირო რაოდენობის წებოცემენტი, შემდგომ კი, როგორც წესი, ფუგა - გიფსით დაფარა საკუთარი დანაშაული, მალევე იწყება მოუგვარებელი პრობლემა რომელსაც აბაზანაში უსიამოვნო სუნი ჰქვია.

კაფელ - მეტლახს შორის დარჩენილ ცარიელ ადგილებში დაგროვილი და ჩაგუბებული საპნიანი წყალი იწვევს საკმაოდ არასასიამოვნო სუნს, რომელსაც სპეციალური დეზოდორანტებიც რთულად უმკლავდება. 

ზემოთ აღნიშნული საკითხი წარმოადგენს  ერთ - ერთ ყველაზე დიდ შეცდომას, რომელსაც ადამიანები უშვებენ აბაზანის რემონტის დაწყებისას, ამას გარდა, არსებობს ბევრი სხვა, არც თუ ისე პატარა პრობლემა, რომელსაც ამ სტატიაში არ განვიხილავთ.

თქვენ გაქვთ კომპანია მეტრიქსის კომპეტენტური და აბსოლუტური მიზანშეწონილი რჩევა, ამის შემდგომ თქვენზეა დამოკიდებული 330 ლარით მეტის გადახდა გიჯობთ იდეალურ შედეგში თუ აბაზანის რემონტის დასრულების შემდეგ გაგახსენდებათ ჩვენი რეკომენდაციის აბსოლუტური ჭეშმარიტება.

.

და მაინც, როგორ გავარემონტოთ სააბაზანო?

ნებისმიერ შემთხვევაში დაიქირავეთ კომპანია ან კერძო ხელოსანი, რომელიც ხელშეკრულების საფუძველზე გთავაზობთ:

აბაზანაში რემონტის დასრულების ზუსტ ვადას, ვადაგადაცილების შემთხვევაში გინაზღაურებთ თანხას ყოველ ვადაგადაცილებულ დღეზე, ხელშეკრულებითვე გთავაზობთ სამშენებლო სარემონტო ნორმების დაცვას .

 თუ თქვენ თავიდანვე დაიზღვევთ თავს და 20 ლარის ნაცვლად გარანტირებულ შედეგში გადაიხდით პირობითად 30 ლარს, ასეთ შემთხვევაში თქვენ აბაზანის რემონტი დაგიჯდებათ 3535 ლარის ნაცვლად 3865ლ, ანუ 330 ლარით მეტი, თუმცა თავად განსაჯეთ 330 ლარის დანაზოგის სანაცვლოდ ღირს თუ არა აბაზანის გახსენებაზე, რელაქსის ნაცვლად უსიამოვნო სუნი და საშინელი შეგრძნება გიტრიალებდეთ თავში. ამის გარდა, შესაძლებელია,  დროზე ადრე გახდეს თქვენი აბაზანა სარემონტო, რომლზეც არც თუ პატარა თანხის გაღება მოგიხდებათ.

გთხოვთ, მოიწონოთ ჩვენი სტატია და ამით დაეხმაროთ კომპანია "მეტრიქსს" წინსვლაში, რათა შევძლოთ ბევრად მეტი სასარგებლო სტატიის შემოთავაზება.

კომპანია "მეტრიქსი"  გისურვებთ წარმატებას!